“Mae gwir effaith dyluniad yr amgylchedd adeiledig yn cael ei deimlo nid yn unig drwy brosiectau mawr ond yn nyluniad llefydd ac adeiladau pob dydd.” [1]

Mae’n debyg y bydd nifer o brosiectau fydd yn ‘gerrig camu’ i gyflawni eich gweledigaeth. Gallai rhai prosiectau fod yn rhai ‘DIY’ sydd angen fawr ddim neu ddim cyllideb; gydag eraill, gallai fod angen cynnwys gwahanol rhanddeiliaid a bidiau am gyllid. Cofiwch ystyried rhaglenni a phrosiectau sydd eisoes ar waith yn y dref a sut y gallai’r cynllun gyd-fynd â nhw. Bydd y ‘manteision buan’ hyn yn creu cynnwrf a dangos bod eich cynllun yn cael effaith ‘syth bin’.

Wrth i syniadau droi’n brosiectau, bydd angen meddwl am ba mor ymarferol a hyfyw ydyn nhw a’u bod yn cefnogi eich gweledigaeth.  Efallai y bydd angen edrych ar gynllun busnes, ffynonellau cyllid, allbynnau, cyfrifoldebau ac amserlen gwblhau; gall fod angen mewnbwn gan ymgynghorwyr arbenigol sydd â phrofiad mewn datblygu prosiectau gyda phobl leol.  Cofiwch barhau eich cydweithrediad â’ch Awdurdodau Lleol, grwpiau busnes a chyrff eraill.

Gallech gofnodi eich prosiectau posib drwy ddefnyddio fformat cyffredin a allai gynnwys disgrifiad o’r prosiect, yr angen, y manteision, amserlen, pwy sydd angen cael eu cynnwys, costau a ffynonellau cyllid.