Ynghylch yr Awduron

Matthew Jones

Mae Matthew yn bartner yn Coombs Jones Architects+Makers.  Mae'n bensaer gweithredol gyda phrofiad ac arbenigedd mewn gwneud lleoedd a chymunedau.  Mae ganddo brofiad o weithio ar amrywiaeth eang o brosiectau dylunio ac ymchwil o gwmpas y DU, o brosiectau preswyl i adeiladau cyhoeddus a dadansoddi a chynllunio aneddiadau.

Ers iddo raddio o Ysgol Bensaernïaeth Cymru (WSA) yn 2005, mae Matthew wedi gweithio yn Uned Ymchwil i Ddylunio Cymru (DRU-w) a chwmni Allford Hall Monaghan Morris Architects Ltd. Pan oedd yn DRU-w, roedd Matthew yn bensaer prosiect ar gyfer ‘Rhuthun: Tref Farchnad y Dyfodol’ ac arweiniodd ddatblygiad y cynllun tref a arweinir gan y gymuned.  Mae'r astudiaeth achos hon yn rhan o ymchwil cyfredol tuag at PhD drwy Ddylunio sy'n astudio dyluniad mewn trefi marchnad.  Mae Matthew wedi arddangos ei waith ar drefi bychain fel rhan o Adlewyrchu Cymru 09.09 yng Ngerddi Howard, Caerdydd, Canolfan Grefft Rhuthun a'r Eisteddfod Genedlaethol.  Yn ddiweddar cyd-drefnodd y gystadleuaeth agored a'r arddangosfa, ‘Gweddillion’, sy'n astudio'r lleoedd gwag nas defnyddir yng Nghaerdydd fel rhan o Ŵyl Ddylunio Caerdydd.

Wayne Forster

Mae Wayne Forster yn bensaer ac yn Ddirprwy Bennaeth Ysgol Bensaernïaeth Cymru.  Mae'n arwain yr Uned Ymchwil i Ddylunio Cymru ac yn rhedeg y Rhaglenni i Raddedigion yn yr Ysgol.  Mae Wayne yn cyfuno ymarfer gydag ymchwil yn y meysydd adeiladu a dylunio amgylcheddol ac ynni isel, ynghyd â materion ehangach mewn theori a chynllunio pensaernïol.

Partner Cyhoeddi ac Ymchwil: Comisiwn Dylunio Cymru

Mae Comisiwn Dylunio Cymru yn gorff cyhoeddus arbenigol sy'n gweithio ledled Cymru i helpu i'w gwneud yn lle gwell, drwy ddyluniad.  Maent yn hybu dylunio da ar gyfer yr amgylchedd adeiledig ac yn hyrwyddo ei fuddion.  Mae'r Comisiwn yn ymwneud ag ansawdd yr amgylchedd adeiledig yng Nghymru ac â gwella safon dylunio mewn adeiladau, lleoedd a thir y cyhoedd.  Maent yn gweithio gyda chydweithwyr yn y meysydd pensaernïaeth a dylunio tirlun a threfol, ac yn ymwneud â llunio cefn gwlad, dinasoedd, trefi a phentrefi Cymru.  Mae'r Comisiwn yn falch o gefnogi'r Llawlyfr Llunio Fy Nhref ac o fod yn bartner ym Mhrosiect Dyfodol Rhuthun.